ქალი შავებში / The Woman in Black


დამთავრდა ჰარი პოტერი და ალბათ ყველას აინტრესებდა რა იქნებოდა მთავარი გმირების შემდეგი ნამუშევარი, რადგან დენიელი, ემა და რუპერტი ფაქტიურად ამ ფილმში გაიზარდნენ და მაყურებელი მოკლებულია მათ ხილვას განსხვავებულ ამპულაში. დავიწყოთ ემა ვოთსონით (ჰერმიონი), მან უკვე მიიღო მთავარი როლები ორ ფილმში: ერთი კვირა მერილინში (My Week with Marilyn) და გარიყულის ცხოვრების სირთულეები (The Perks of Being a Wallflower), რაც შეეხება რუპერტ გრინტს (რონი), მან მიიღო მთავარი როლი ისტორიულ დრამაში ამხანაგი (Comrade), დენიელ რეტკლიფი (ჰარი) კი ითამაშებს საშინელებათა ფილმში ქალი შავებში (The Woman in Black), სწორედ ამ ფილმს მიმოვიხილავ ამ სტატიაში და შემოგთავაზებთ ტრეილერებს.

დავიწყოთ რეჟისორით, ფილმს ცნობილი ბრიტანელი რეჟისორი ჯეიმს ვოტკინსი (James Watkins) გადაიღებს. ეს რეჟისორი არა მარტო ინგლისში, არამედ მთელს მსოფლიოში ძალიან ცნობილი. ვოტკინსი იღებს მხოლოდ საშინელებათა ფილმებს და თითქმის ყველა მისი ფილმი ძალიან პოპულარულია. რეჟისორს აღიარება ფილმმა ედემის ტბამ (Eden Lake ) მოუტანა, შემდეგ გადაიღო არანაკლებ პოპულარული ფილმი დაშვება 2 (The Descent: Part 2). ფილმები გამოირჩევიან ძალიან საინტერესო და ამავდროს საშიში სიუჟეტებით და მოულოდნელი დასასრულით, შეიძლება ითქვას, რომ ასიდან 99 ადამიანი ბოლო წუთამდე ვერ მიხვდება თუ როგორი ფინალი ექნება ფილმს.

ფილმში დენიელის გარდა ასევე მონაწილეობს კიარან ჰინდსი (Ciarán Hinds), რომელმაც სახელი გაითქვა ოსკარზე ხუთგზის ნომინირებული ფილმით მიუნხენი (Munich). ფილმი ახალგაზრდა ადვოკატის ირგვლივ ვითარდება, რომელიც მოგზაურობს სხვადასხვა სოფლებში, რომ მისი ახლად-გარდაცვლილი კლიენტის საბუთები მოაწესრიგოს. ერთ-ერთ სახლში ის გადაეყრება სიცოცხლეში აბუჩად აგდებულ მოჩვენებას, რომელსაც შურისძიება სწყურია. ფილმი ეკრანებზე 2012 წლის 10 თებერვალს გამოვა.

ტრეილერი:

[yframe url='http://www.youtube.com/watch?v=LghXxTR215M']

 

ტიზერი:

[yframe url='http://www.youtube.com/watch?v=cSHEYVGaWok']

 

პირველი ოფიციალური სურათი:

170 - ნახვები სულ, 1 - ნახვები დღეს